മ​ഴ​യും ക​ട​ലാ​ക്ര​മ​ണ​വും ശക്തം; എറണാകുളത്ത് ഒരു മരണം; നിരവധി വീടുകളിൽ വെള്ളം കയറി




ടൗട്ടെ ചു​ഴ​ലി​ക്കാ​റ്റി​നോ​ട​നു​ബ​ന്ധി​ച്ച് സം​സ്ഥാ​ന​ത്ത് മ​ഴ​യും ക​ട​ലാ​ക്ര​മ​ണ​വും ശ​ക്ത​മാ​യി. തി​രു​വ​ന​ന്ത​പു​രം, കൊ​ല്ലം, ആ​ല​പ്പു​ഴ, എ​റ​ണാ​കു​ളം, തൃ​ശൂ​ർ, മ​ല​പ്പു​റം, കോ​ഴി​ക്കോ​ട്​, ക​ണ്ണൂ​ർ ജി​ല്ല​ക​ളി​ൽ ക​ടു​ത്ത ക​ട​ൽ​ക്ഷോ​ഭ​മാ​ണ്​ അ​നു​ഭ​വ​പ്പെ​ട്ട​ത്. നി​ര​വ​ധി വീ​ടു​ക​ൾ ത​ക​ർ​ന്നു. എ​റ​ണാ​കു​ളം ജി​ല്ല​യി​ൽ ഒ​രാ​ൾ മ​രി​ച്ചു.


എ​റ​ണാ​കു​ളം ജി​ല്ല​യി​ലെ ചെ​ല്ലാ​നം, വൈ​പ്പി​ൻ മേ​ഖ​ല​ക​ളി​ലാ​ണ്​ ക​ട​ൽ​ക്ഷോ​ഭം ഏ​റ്റ​വും ശ​ക്ത​മാ​യ​ത്. ചെ​ല്ലാ​ന​ത്ത് നി​ര​വ​ധി വീ​ടു​ക​ളി​ൽ വെ​ള്ളം​ക​യ​റി. ഇ​തി​നി​ടെ ഒ​ഴു​ക്കി​ൽ​പെ​ട്ട് വ​ട​ക്കേ ചെ​ല്ലാ​ന​ത്ത് ആ​ൻ​റ​ണി വ​ലി​യ​പ​റ​മ്പി​ൽ (60) മ​രി​ച്ചു. ചെ​ല്ലാ​നം, സൗ​ദി, മാ​നാ​ശ്ശേ​രി തു​ട​ങ്ങി​യ ഭാ​ഗ​ങ്ങ​ളി​ലെ ആ​യി​ര​ക്ക​ണ​ക്കി​ന്​ വീ​ടു​ക​ളിലേ​ക്ക്​ വെ​ള്ളം കു​ത്തി​യൊ​ലി​ച്ചെ​ത്തി. കോ​വി​ഡ്​ ഭീ​തി കാ​ര​ണം ക്യാ​മ്പു​ക​ളി​ലേ​ക്ക് പോ​കാ​ൻ ആ​രും ത​യാ​റ​ല്ലാ​ത്ത​തി​നാ​ൽ സ​മീ​പ പ്ര​ദേ​ശ​ങ്ങ​ളി​ലെ ബ​ന്ധു​വീ​ടു​ക​ളി​ലാ​ണ്​ അ​ഭ​യം പ്രാ​പി​ച്ച​ത്.


തി​രു​വ​ന​ന്ത​പു​ര​ത്ത് തീ​ര​ദേ​ശ​ത്ത​ട​ക്കം ശ​ക്ത​മാ​യ ക​ട​ലാ​ക്ര​മ​ണ​വും മ​ഴ​യും തു​ട​രു​ക​യാ​ണ്. ജി​ല്ല​യി​ൽ 78 കു​ടും​ബ​ങ്ങ​ളി​ലാ​യി 308 പേ​രെ മാ​റ്റി​പ്പാ​ർ​പ്പി​ച്ചു. ശ​ക്ത​മാ​യ ക​ട​ലാ​ക്ര​മ​ണ​ത്തി​ലും മ​ഴ​യി​ലു​മാ​യി 32 വീ​ടു​ക​ൾ ഭാ​ഗി​ക​മാ​യും ഒ​രു വീ​ട് പൂ​ർ​ണ​മാ​യും ത​ക​ർ​ന്നു. മ​ഴ ശ​ക്ത​മാ​യ​തോ​ടെ അ​രു​വി​ക്ക​ര ഡാ​മിെൻറ നാ​ലു ഷ​ട്ട​റു​ക​ളും തു​റ​ന്നി​ട്ടു​ണ്ട്.


കൊ​ല്ലം ജി​ല്ല​യി​ലെ ഇ​ര​വി​പു​രം താ​ന്നി-​കൊ​ല്ലം പ​ര​വൂ​ർ തീ​ര​പ്ര​ദേ​ശ റോ​ഡു​ക​ൾ ത​ക​ർ​ന്നു. പ​ര​വൂ​ർ കാ​യ​ലി​ൽ ജ​ല​നി​ര​പ്പു​യ​ർ​ന്ന​തി​നെ തു​ട​ർ​ന്ന്​ തെ​ക്കും​ഭാ​ഗം കാ​പ്പി​ലി​ൽ പൊ​ഴി മു​റി​ച്ചു. മ​യ്യ​നാ​ട്​ മു​ക്ക​ത്ത്​ ​മു​മ്പ്​​ മു​റി​ച്ച പൊ​ഴി റോ​ഡ്​ ത​ക​ർ​ന്ന്​ കാ​യ​ലും ക​ട​ലും ഒ​ന്നാ​യി. ആ​ല​പ്പാ​ട്ടെ വെ​ള്ള​നാതു​രു​ത്തു മു​ത​ൽ അ​ഴീ​ക്ക​ൽ​വ​രെ വി​വി​ധ പ്ര​ദേ​ശ​ങ്ങ​ളി​ൽ നി​ര​വ​ധി വീ​ടു​ക​ൾ​ക്ക് നാ​ശ​മു​ണ്ടാ​യി. ന​ഗ​ര​ത്തി​ൽ ഉ​ൾ​പ്പെ​ടെ വൈ​ദ്യു​തി വി​ത​ര​ണം താ​റു​മാ​റാ​യി.


ചു​ഴ​ലി​ക്കാ​റ്റ്​ മു​ന്ന​റി​യി​പ്പു​ള്ള​തി​നാ​ൽ ശ്രീ​ല​ങ്ക​യി​ൽ​നി​ന്നു​ള്ള ബാ​ർ​ജു​ക​ൾ ഉ​ൾ​പ്പെ​ടെ ആ​റു​ ക​പ്പ​ലു​ക​ൾ കൊ​ല്ലം​ പോ​ർ​ട്ടി​ൽ ന​ങ്കൂ​ര​മി​ട്ടു. അ​ടി​യ​ന്ത​ര സാ​ഹ​ച​ര്യം പ​രി​ഗ​ണി​ച്ച്​ ക​ല​ക്​​ട​റേ​റ്റി​ലും ആ​റ്​ താ​ലൂ​ക്കു​ക​ളി​ലും ക​ൺ​ട്രോ​ൾ റൂ​മു​ക​ൾ തു​റ​ന്നു.


ആ​ല​പ്പു​ഴ ജി​ല്ല​യി​ലെ അ​മ്പ​ല​പ്പു​ഴ, കാ​ർ​ത്തി​ക​പ്പ​ള്ളി, ചേ​ർ​ത്ത​ല താ​ലൂ​ക്കു​ക​ളി​ൽ ക​ട​ലാ​ക്ര​മ​ണം അ​തി​രൂ​ക്ഷ​മാ​യി​രു​ന്നു. ചേ​ർ​ത്ത​ല ഒ​റ്റ​മ​ശ്ശേ​രി​യി​ൽ 10 വീ​ടു​ക​ൾ ത​ക​ർ​ന്നു. ക​ട​ക്ക​ര​പ്പ​ള്ളി, പ​ട്ട​ണ​ക്കാ​ട്, അ​ന്ധ​കാ​ര​ന​ഴി, ഒ​റ്റ​മ​ശ്ശേ​രി, ചേ​ന്ന​വേ​ലി, പു​ന്ന​പ്ര തെ​ക്ക്, പു​ന്ന​പ്ര വ​ട​ക്ക്​, നീ​ർ​ക്കു​ന്നം, പു​റ​ക്കാ​ട്, ആ​റാ​ട്ടു​പു​ഴ ഭാ​ഗ​ങ്ങ​ളി​ൽ ക​ട​ലാ​ക്ര​മ​ണ​ത്തി​ൽ നി​ര​വ​ധി​വീ​ടു​ക​ൾ ത​ക​ർ​ന്നു.


ആ​റാ​ട്ടു​പു​ഴ​യി​ൽ നൂ​റു​ക​ണ​ക്കി​ന്​ വീ​ടു​ക​ളി​ലാ​ണ്​ വെ​ള്ളം​ക​യ​റി​യ​ത്. പെ​രു​മ്പ​ള്ളി​യി​ൽ തീ​ര​ദേ​ശ റോ​ഡ് പൂ​ർ​ണ​മാ​യും ത​ക​ർ​ന്നു. പ​ല​യി​ട​ങ്ങ​ളി​ലും റോ​ഡ് മ​ണ്ണി​ന​ടി​യി​ലാ​ണ്. അ​രൂ​രി​ൽ ക​ട​ലാ​ക്ര​മ​ണ​ത്തി​ൽ 50 വീ​ടു​ക​ളി​ൽ വെ​ള്ളം ക​യ​റി. ​അ​ടി​യ​ന്ത​ര​സാ​ഹ​ച​ര്യം നേ​രി​ടാ​ൻ ദേ​ശീ​യ ദു​ര​ന്ത​നി​വാ​ര​ണ​സേ​ന​യു​ടെ സം​ഘം ആ​ല​പ്പു​ഴ​യി​ലെ​ത്തി.


തൃ​ശൂ​ർ ജി​ല്ല​യി​ലെ കൊ​ടു​ങ്ങ​ല്ലൂ​ർ താ​ലൂ​ക്കി​ലെ എ​റി​യാ​ട്​, എ​ട​വി​ല​ങ്ങ്​ പ​ഞ്ചാ​യ​ത്തു​ക​ളി​ലാ​ണ്​ ക​ട​ൽ​ക്ഷോ​ഭം അ​തി​രൂ​ക്ഷ​മാ​യ​ത്. നി​ര​വ​ധി വീ​ടു​ക​ൾ​ക്ക്​ നാ​ശം നേ​രി​ട്ടി​ട്ടു​ണ്ട്. ചാ​വ​ക്കാ​ട്​ ക​ട​പ്പു​റം, അ​ഞ്ച​ങ്ങാ​ടി എ​ന്നി​വി​ട​ങ്ങ​ളി​ലും ക​ട​ലേ​റ്റം ശ​ക്ത​മാ​ണ്. പ്ര​ദേ​ശ​മാ​കെ വെ​ള്ളം ക​യ​റി. വീ​ടു​ക​ൾ വെ​ള്ള​ത്തി​ലാ​ണ്. താ​മ​സ​ക്കാ​രെ ഒ​ഴി​പ്പി​ച്ചു​വ​രു​ന്നു. വാ​ടാ​ന​പ്പ​ള്ളി പൊ​ക്കാ​ഞ്ചേ​രി, ഏ​ങ്ങ​ണ്ടി​യൂ​രി​ലെ ഏ​ത്താ​യ്​ ബീ​റ്റ്​, ചേ​റ്റു​വ അ​ഴി​മു​ഖം എ​ന്നി​വി​ട​ങ്ങ​ളി​ലും ക​ട​ൽ 200 മീ​റ്റ​റോ​ളം ക​ര​യി​ലേ​ക്ക്​ ക​യ​റി.


മ​ല​പ്പു​റം ജി​ല്ല​യി​ലെ പൊ​ന്നാ​നി​യി​ൽ 70ഓ​ളം വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. നൂ​റി​ല​ധി​കം വീ​ടു​ക​ളി​ൽ വെ​ള്ളം ക​യ​റി. കൂ​ട്ടാ​യി പ​ടി​ഞ്ഞാ​റെ​ക്ക​ര, വ​ള്ളി​ക്കു​ന്ന്​, പ​ര​പ്പ​ന​ങ്ങാ​ടി ഭാ​ഗ​ങ്ങ​ളി​ലും ക​ട​ലാ​ക്ര​മ​ണ​മു​ണ്ടാ​യി. പ​ര​പ്പ​ന​ങ്ങാ​ടി​യി​ൽ ഹാ​ർ​ബ​റി​െൻറ പു​ലി​മു​ട്ടി​ന്​ നാ​ശ​മു​ണ്ടാ​യി.


കോ​ഴി​ക്കോ​ട്​ ജി​ല്ല​യി​ലെ ചോ​മ്പാ​ല ഹാ​ർ​ബ​റി​നു സ​മീ​പം കെ​ട്ടി​യി​ട്ട പ​ത്തോ​ളം തോ​ണി​ക​ൾ ത​ക​ർ​ന്നു. ​േബ​പ്പൂ​രി​ൽ പെ​ട്ടി​ക്ക​ട​ക​ൾ ഒ​ലി​ച്ചു​പോ​യി. ജ​ങ്കാ​റി​‍െൻറ ജെ​ട്ടി​യും ടി​ക്ക​റ്റ്​ കൗ​ണ്ട​റും ഭാ​ഗി​ക​മാ​യി ത​ക​ർ​ന്നു. ചാ​ലി​യം, ക​ട​ലു​ണ്ടി ഭാ​ഗ​ത്തും വ​ലി​യ നാ​ശ​ന​ഷ്​​ട​മു​ണ്ട്. ശാ​ന്തി​ന​ഗ​ർ കോ​ള​നി, സൗ​ത്ത്​ ബീ​ച്ച്​, പ​ള്ളി​ക്ക​ണ്ടി ഭാ​ഗ​ത്ത്​ നി​ര​വ​ധി വീ​ടു​ക​ളി​ലേ​ക്ക്​ ക​ട​ൽ​വെ​ള്ളം ക​യ​റി.


ക​ണ്ണൂ​ർ ജി​ല്ല​യി​ൽ പ​യ്യാ​മ്പ​ലം, മു​ഴ​പ്പി​ല​ങ്ങാ​ട്​, ന്യൂ ​മാ​ഹി, മെ​താ​ന​പ്പ​ള്ളി എ​ന്നി​വി​ട​ങ്ങ​ളി​ലാ​ണ്​ ശ​ക്ത​മാ​യ ക​ട​ൽ​ക്ഷോ​ഭം അ​നു​ഭ​വ​പ്പെ​ട്ട​ത്. ക​ന​ത്ത മ​ഴ​യി​ൽ കോ​ട്ട​യം ജി​ല്ല​യി​ലെ താ​ഴ്​​ന്ന പ്ര​ദേ​ശ​ങ്ങ​ളി​ലെ വീ​ടു​ക​ൾ വെ​ള്ള​ത്തി​ലാ​യി. അ​യ്​​മ​നം, ആ​ർ​പ്പൂ​ക്ക​ര, തി​രു​വാ​ർ​പ്പ്​, കു​മ​ര​കം, വെ​ച്ചൂ​ർ, ത​ല​യാ​ഴം, ടി.​വി. പു​രം, ഉ​ദ​യ​നാ​പു​രം, ചെ​മ്പ്, മ​റ​വ​ൻ​തു​രു​ത്ത് പ​ഞ്ചാ​യ​ത്തു​ക​ളി​ലാ​യി നൂ​റി​ല​ധി​കം വീ​ടു​ക​ളാ​ണ്​ വെ​ള്ള​ത്തി​ലാ​യ​ത്.


കോ​വി​ഡ്​ ഭീ​ഷ​ണി​ക്കി​ട​യി​ലും താ​ൽ​ക്കാ​ലി​ക ക്യാ​മ്പു​ക​ൾ ഒ​രു​ക്കി വീ​ട്​ ത​ക​ർ​ന്ന കു​ടും​ബ​ങ്ങ​ളെ മാ​റ്റി​പ്പാ​ർ​പ്പി​ച്ചു. തൃ​ശൂ​രി​ൽ അ​ഞ്ചും എ​റ​ണാ​കു​ളം തി​രു​വ​ന​ന്ത​പു​രം ജി​ല്ല​ക​ളി​ൽ നാ​ലും, മ​ല​പ്പു​റം ജി​ല്ല​യി​ൽ മൂ​ന്നും കൊ​ല്ലം, ആ​ല​പ്പു​ഴ ജി​ല്ല​ക​ളി​ൽ ഓ​രോ ക്യാ​മ്പു​ക​ളു​മാ​യി ശ​നി​യാ​ഴ്ച വൈ​കീ​ട്ട് അ​ഞ്ചു​വ​രെ ആ​രം​ഭി​ച്ച​ത്.

Green Reporter

Green Reporter Desk

Visit our Facebook page...

Responses

0 Comments

Leave your comment