കൂരിയാട്: ദേശീയപാതയുടെ തകർച്ച വിദഗ്ദ സമിതി പരിശോധിക്കണം. ഗ്രീൻ മൂവ്മെൻറ് 

ഗ്രീൻ മൂവ്മെന്റിന്റെ നേതൃത്വത്തിൽ വിദഗ്ദർ ഉൾപ്പെട്ട സംസ്ഥാനത്തെ പരിസ്ഥിതി പ്രവർത്തക സംഘം ദേശീയ പാതയുടെ തകർച്ച നേരിട്ട കൊളപ്രം-കൂരിയാട് മേഖലകൾ സന്ദർശിക്കുകയുണ്ടായി.തികച്ചും ചെളി നിറഞ്ഞതും തീർത്തും ബലഹിനവുമായ വയൽ പ്രദേശവും നീർച്ചോല കളും ഉൾപ്പെട്ട പ്രദേശത്ത് ഭൂമിയുടെ  ബലക്ഷമത പരിശോധി ക്കാതെ പാത നിർമ്മിച്ചതാണ് വമ്പിച്ച ദുരന്തത്തിലേക്ക് നയിച്ചതെന്ന് പഠന സംഘം വിലയിരുത്തി.

ഇപ്പോൾ വയഡക്ട് നിർമ്മിക്കുന്നത് പോലും അശാസ്ത്രീയ മാണെന്നും കൊളപ്രം മുതൽ കൂരിയാട് വരെയുള്ള 800 മീറ്ററി ലധികം ദൈർഘ്യത്തിൽ വയഡക്ട് നിർമ്മിച്ചാൽ മാത്രമെ ദേശീയ പാത ഫലപ്രദമായി ഉപയോഗിക്കാനാവൂ എന്ന് പഠന സംഘം അഭിപ്രായപ്പെട്ടു

കൂരിയാട് - കടലുണ്ടി പുഴക്ക് കുറകെ നിലവിലുള്ള പാലം ബല പ്പെടുത്തിയാണ് ദേശീയ പാതക്കായി ഉപയുക്തമാക്കു ന്നത്.ഇത് കേവലം രണ്ടുവരി പാതയാണ്.ഇവിടെ ഒരു ഭാഗത്തേക്ക് മൂന്ന വരി എന്ന തത്വം ബലി കഴിച്ചിരിക്കയാണ്.ഇത് മാറ്റി മൂന്ന് വരിയിൽ ഗതാഗതം നടത്തുന്നതിന് സാധ്യമായ രീതിയിൽ പുതിയ പാലം നിർമ്മിക്കേണ്ടതുണ്ട്.കൂടാതെ സർവ്വീസ് റോഡ് ഇല്ല എന്നത് ജനത്തെ കൂടുതൽ ദുരിതത്തിലാക്കും  .

പുതിയ പാലം പണിയുന്നതിന് നിർമ്മിച്ച പുലിമുട്ടിലെ മണ്ണും ഇതര വസ്തുക്കളും നീക്കം ചെയ്യാത്തിനാൽ ഏതാണ്ട് അര ഏക്കറില ധികം ഭൂമി കടലുണ്ടിപ്പുഴയിലേക്ക് ഇടഞ്ഞു .പാലത്തിനടിയിൽ ഈ മണ്ണ് നീക്കം ചെയ്ത് പുഴയുടെ ഒഴുക്ക് ക്രമപ്പെടുത്തി തീരം ഇടിയു ന്നതിന് ശാശ്വത പരിഹാരം ഉണ്ടാക്കമെന്നും പഠന സംഘം ആവശ്യ പ്പെട്ടു.നിലവിൽ വയഡക്ട് പണിയുന്ന സ്ഥലത്ത് പോലും പാത യുടെ ഇരു വശത്തുമുള്ള ജലം ഒഴുകിപ്പോകുന്നതിന് കൃത്യമായ ഓടകൾ ഇല്ല.

100 മില്ലീമീറ്ററി ലധികം മഴ ഒരു ദിവസം കൊണ്ട് എത്തുന്ന ഈ കാലത്ത് മഴ വെള്ളം പുഴയിലേക്ക് ഒഴുകുന്ന തരത്തിൽ 800 മീറ്ററായി വയഡക്റ്റ് ഉണ്ടാകണം. NIT ശാസ്ത്രജ്ഞരെ കൊണ്ട് വിഷയം പഠന വിധേയമാക്കണമെന്നും ദേശീയ പാത ഇടിഞ്ഞ തിനെക്കുറിച്ചും ഇത്തരം ദുരന്തം ആവർത്തിക്കാതിരിക്കുന്ന തിനുമായി പരിസ്ഥിതി - ശാസ്ത്ര - വിദഗ്തർ ഉൾപ്പെട്ട  സംഘം സാമൂഹ്യ പരിശോധന നടത്തണമെന്നും പഠന സംഘം ആവശ്യപ്പെട്ടു.

ഇത്തരം വിഷയങ്ങൾ NHA അധികൃതരുടേയും സർക്കാരിന്റേയും പൊതുജനങ്ങളുടേയും സമക്ഷം അവതരിപ്പിക്കുന്നതാണ് എന്നും സംഘം വ്യക്തമാക്കി.പഠന സംഘത്തിൽ (ഹേമരാജ്(റോഡ് നിർമാണ വിദഗ്തൻ),ടി വി രാജൻ, അഡ്:പി എ പൗരൻ , ഇ.പി അനിൽ ,ജമാലുദീൻ എക്സൽ , അൻവർഷരീഫ്‌ ,ശങ്കര നാരായണൻ എന്നിവർ ഉണ്ടായിരുന്നു .വേങ്ങര ഗ്രാമപഞ്ചായത്ത് പ്രസിഡന്റ് ഹസീന ഫസൽ,അലി അക്ബർ(സമരസമിതി) തുടങ്ങിയ  പ്രദേശവാസികളിൽ നിന്നും വിവരങ്ങൾ ശേഖരിച്ചു.