Biodiversity അഥവാ ജൈവ വൈവിധ്യം ഭൂമിയിലെ ജീവജാലങ്ങളുടെ വൈവിധ്യമാണ്.ജീനുകൾ,ബാക്ടീരിയകൾ മുതൽ വനങ്ങൾ മുതൽ  പവിഴപ്പുറ്റുകൾ പോലുള്ള മുഴുവൻ ആവാസവ്യവസ്ഥകൾ വരെ ഇതിൻ്റെ ഭാഗവും.ഇന്ന് നാം കാണുന്ന ജൈവവൈവിധ്യം 450 കോടി വർഷത്തെ പരിണാമത്തിന്റെ ഫലമാണ്,മനുഷ്യന്റെ സ്വാധീനത്താൽ ഇത് വർദ്ധിച്ചുവരികയാണ്.

ഭക്ഷണം,ജലം, മരുന്ന്,സ്ഥിരതയുള്ള കാലാവസ്ഥ,സാമ്പത്തിക വളർച്ച തുടങ്ങിയ നിരവധി കാര്യങ്ങൾക്ക് നാം ആശ്രയിക്കുന്ന ജീവ ജാലങ്ങളുടെ ആകെ തുകയാണ് ജൈവവൈവിധ്യം.ആഗോള ജിഡിപി യുടെ പകുതിയിലധികവും പ്രകൃതിയെ ആശ്രയിച്ചിരിക്കുന്നു.100 കോടിയിലധികം ആളുകൾ അവരുടെ ഉപജീവനത്തിനായി വനങ്ങളെ ആശ്രയിക്കുന്നു.എല്ലാ കാർബൺ ഉദ്‌വമനത്തിന്റെയും പകുതിയി ലധികവും കരയും സമുദ്രവും ആഗിരണം ചെയ്യുന്നു.

എന്നാൽ പ്രകൃതി പ്രതിസന്ധിയിലാണ്.പത്ത് ലക്ഷം വരെ ജീവിവർഗ ങ്ങൾ വംശനാശ ഭീഷണിയിലായി.വനനശീകരണം കാരണം ആമസോൺ മഴക്കാടുകളുടെ ഭാഗങ്ങൾ തകരുന്നു.ആവാസ വ്യവസ്ഥകൾ കാർബൺ ഉദ്‌വമനത്തിൽ നിന്ന് കാർബൺ സ്രോതസ്സു കളായി മാറുകയാണ്.വലിയ അളവിൽ കാർബൺ ആഗിരണം ചെയ്യുന്ന ഉപ്പ് ചതുപ്പുകൾ,കണ്ടൽക്കാടുകൾ പോലുള്ള 85% തണ്ണീർ തടങ്ങളും അപ്രത്യക്ഷമായി.

ജൈവ വൈവിധ്യനഷ്ടത്തിന്റെ പ്രധാന വില്ലൻ മനുഷ്യന്റെ ഭൂമിയുടെ ഉപയോഗം(ഭക്ഷ്യോത്പാദനത്തിനായി)ആണ്.മഞ്ഞുമൂടിയ ഭൂമിയുടെ 70%വും മനുഷ്യന്റെ പ്രവർത്തനങ്ങൾക്കായി ഇതിനകം തന്നെ മാറ്റിയി രിക്കുന്നു.കൃഷി ഭൂമി വ്യാപിക്കുന്നതിലൂടെ ചില ജന്തുജാലങ്ങളുടെയും സസ്യജാലങ്ങളുടെയും ആവാസവ്യവസ്ഥ നഷ്ടപ്പെടുകയും വംശനാശം നേരിടുകയും ചെയ്തേക്കാം.

കാലാവസ്ഥാ വ്യതിയാനം ജൈവവൈവിധ്യത്തിന്റെ തകർച്ചയിൽ പ്രധാന പങ്ക് വഹിക്കുന്നു.ലോകമെമ്പാടുമുള്ള സമുദ്ര,കര,ശുദ്ധജല ആവാസവ്യവസ്ഥകളെ കാലാവസ്ഥാ വ്യതിയാനം മാറ്റിമറിച്ചു.ഇത് പ്രാദേശിക ജീവിവർഗങ്ങളുടെ നാശത്തിനും, രോഗങ്ങൾ വർദ്ധിപ്പിക്കു ന്നതിനും,സസ്യങ്ങളുടെയും മൃഗങ്ങളുടെയും കൂട്ട നാശത്തിനും കാരണമാണ്. 

കരയിൽ,ഉയർന്ന താപനില മൃഗങ്ങളെയും സസ്യങ്ങളെയും ഉയരങ്ങ ളിലേക്ക് / അക്ഷാംശങ്ങളിലേക്ക് നീങ്ങാൻ നിർബന്ധിതരാക്കി. ഭൂമിയുടെ ധ്രുവങ്ങളിലേക്ക് കൂടുതൽ ജീവികൾ നീങ്ങുന്നു.ഈ നീക്കം ആവാസ വ്യവസ്ഥയ്ക്ക് ദൂരവ്യാപകമായ പ്രത്യാഘാതങ്ങൾ ഉണ്ടാക്കുന്നു.ഓരോ ഡിഗ്രി ചൂടാകുമ്പോഴും ജീവിവർഗങ്ങളുടെ വംശനാശ സാധ്യത വർദ്ധിക്കുകയാണ്.

അന്തരീക്ഷ താപനിലയിലെ 1.5  ഡിഗ്രി സെൽഷ്യസ് വർധന 4% സസ്‌തനികളുടെ അവാസ വ്യവസ്ഥ പകുതിയായി കുറയ്ക്കും. താപനിലയിൽ 2 ഡിഗ്രി കൂടിയാൽ 8% ജീവികളുടെ ആവാസ വ്യവസ്ഥ യിൽ 50% നഷ്ടപ്പെടും.4 ഡിഗ്രിയാണ് കുതിപ്പ് എങ്കിൽ 41% സസ്തനി കളുടെ ജീവിതപരിസരങ്ങൾ ഇല്ലാതെയാകും.പവിഴ പുറ്റുകളുടെ (Reef)കാര്യത്തിൽ 1.5 ഡിഗ്രി സെൽഷ്യസ് വർധന 70 -90% ഇല്ലാതെ യാക്കും.ചൂട് 2 ഡിഗ്രി കൂടിയാൽ 99% പുറ്റുകളും നിറം മാറി തകരും. 2009-18 കാലത്ത് 14% പവിഴപുറ്റുകൾ ഇല്ലാതെ ആയി.25% മത്സ്യ വിഭവങ്ങളുടെ നിലനിൽപ്പിന് പവിഴപുറ്റുകൾ അനിവാര്യമാണ്.അവയുടെ സാമൂഹിക സേവന മൂല്യം 8 -10% ലോക ജിഡിപിയാണ്. ടൂറിസം രംഗത്ത് 10 ലക്ഷം ആളുകൾക്ക് തൊഴിൽ അവസരം നൽകുന്നുണ്ട്.

കാലാവസ്ഥ വ്യതിയാനം ഉണ്ടാക്കുന്ന മാറ്റങ്ങൾ ജൈവ വൈവിധ്യ രംഗത്ത് സൃഷ്ടിക്കുന്ന തിരിച്ചടികൾ നിത്യജീവിതത്തിൽ വലിയ തിരിച്ചടിയായിക്കഴിഞ്ഞു.അത് ഇന്ത്യയിലും കൂടുതൽ പ്രതിസന്ധികൾ വരുത്തുന്നുണ്ട്.കേരളത്തിലും ആവാസ വ്യവസ്ഥയിലെ മാറ്റങ്ങൾ ജനങ്ങളുടെ തൊഴിൽ രംഗത്തും ആരോഗ്യ രംഗത്തും മനുഷ്യ മൃഗ സംഘർത്തിലും വലിയ സ്വാധീനം ചെലുത്തുന്നുണ്ട്.

ജൈവ വൈവിധ്യ കലവറകൾ എന്ന് പറയാവുന്ന 10 രാജ്യങ്ങളിൽ ഇന്ത്യയും ഉൾപ്പെടുന്നു.ലോക ജൈവ വൈവിധ്യങ്ങളുടെ 14%വും ബ്രസീലിൽ.അതു കഴിഞ്ഞാൽ ഇൻഡോനേഷ്യയിൽ 10.4% .ചൈന 9.8%ലോകത്തെ ആകെ ജൈവ വ്യവസ്ഥയുടെ ഉടമകളാണ്. അമേരിക്കൻഐക്യനാട്,കൊളംബിയ,ഇക്വഡോർ,മെക്സിക്കൊ,
പപ്പാഗുനിയ, പെറു, പവിഴ ദ്വീപ്,ഗ്വാനയും കോംഗോയും ആസ്ട്രേലിയയും ഇന്ത്യയും ബംഗ്ലാദേശ് തുടങ്ങിയ രാജ്യങ്ങളും പ്രകൃതി സമ്പത്തിൻ്റെ വലിയ ശേഖരങ്ങളാണ്. ഇന്ത്യയെ പറ്റി പറഞ്ഞാൽ ഭൂമിയുടെ 2.5% പ്രദേശങ്ങൾ അടങ്ങിയി ട്ടുള്ള നമ്മുടെ രാജ്യത്താണ് 7.5% ജൈവ വൈവിധ്യ വിഭവങ്ങളും.ഇത്തരം ജൈവ കലവറകൾക്ക് സംഭവിക്കുന്ന തകർച്ച മനുഷ്യവർഗ്ഗ ത്തിൻ്റെ നില നിൽപ്പിന് തന്നെ മുഖ്യ ഭീഷണിയായി മാറിക്കഴിഞ്ഞു.